2025 թվականի Փետրվարի 3-6-ը,Բրյուսելում, EduHub-ի ներկայացուցիչները մասնակցեցին շատ կարևոր միջոցառումների շարքի։
Սկզբում, մեր ներկայացուցիչները , որպես Erasmus+ ծրագրի շրջանավարտներ հնարավորություն ունեցան մասնակցելու Erasmus Students and Alumni Alliance (ESAA)-ի ամենամյա հանդիպմանը և կարողությունների զարգացման դասընթացին։
Այնուհետև,EduHub-ի նախագահ Գևորգ Հարությունյանը հրավիրվեց մասնակցություն ունենալու NEO-ICP-ENFP Meeting 2025 միջոցառմանը։
Այս միջոցառումների ընթացքում, մենք հրաշալի հնարավորություն ունեցանք հանդիպելու,կապեր հաստատելու և մեր կազմակերպությունը ներկայացնելու տարատեսակ առանցքային դերակատարներին ,ինչպիսիք են Erasmus+ ծրագրի որոշումներ կայացնողներ, ազգային գրասենյակների ներկայացուցիչներ, անհատներ ովքեր աշխատում եմ Եվրոպական Հանձնաժողովում և այլն։

LocalMediaMatters կրթական ծրագիրը, մի քանի ամիս կյանքից հետո, այլևս ավարտված է։ Սա նախագիծ էր բաղկացած տարատեսակ կրթական այցերից, ինտերակտիվ դասընթացներից, մասնագիտական դասախոսություններից, ստեղծագործական աշխատարաններից , միջազգային ծանոթություններից և իհարկե խնջույքներից ։

Մեր խորհին երախտիքի խոսքն ենք հղում մեր գլխավոր գործընկերոջը՝ Մեդիայի և Հաղորդակցության Քաղաքականության ինստիտուտին (iFm, Գերմանիա) , մասնավորապես Դոկտոր Լեոնարդ Նովիին արդյունավետ համագործակցության, Գերմանիայի Արտ. Գործ. Նախարարությանը ֆինանսական աջակցության, և այլ գործընկերներին , կամավորներին այս նախագծի կյանքի կոչման հարցում իրենց ներդրումների համար։ Հատուկ շնորհակալություն մեր ամբիցիոզ և խելացի մասնակիցներին իրենց լավագույն տարբերակին ձգտելու և դառնալու համար։

EngageCaucasus նախագծի կենտրոնական գաղափարն է  առաջարկել Հայաստանի և Վրաստանի երիտասարդներին եզակի հնարավորություն ընդլայնելու իրենց գիտելիքները ռազմավարության մշակման, առաջնորդության և արշավներ կազմակերպելու գործում։ Ծրագրի երկրորդ փուլն անցավ Վրաստանի մայրաքաղաք Թբիլիսիում։ Ծրագիրը սկսեցինք արտասահմանցի և տեղացի դասախոսների կողմից առաջարկված կարևոր դասախոսություններով՝ Հարավային Կովկասում աշխարհաքաղաքական իրավիճակի, տեղական ժողովրդավարության և ռազմավարական քաղաքական հաղորդակցության մասին։ Այնուհետև, դասընթացավարներն ու մասնակիցները սկսեցին զարգացնել վերջիններիս նախագծերը , անցնելով պրակտիկ և ակտիվ փուլին։ Ծրագիրն ավարտեցինք ժայռամագլցման արշավով դեպի Կազբեգի լեռ։

Օգոստոսը հագեցած էր նշանակալի միջոցառումներով։ 15 հայ լրագրողներ և մեդիա ներկայացուցիչներ մեկնել էին Բեռլին, որպեսզի մասնակցեին #LocalMediaMaterrs նախագծի երկրորդ Փուլին։ Սեմինարը կազմակերպված է  Institute for Media (IfM) և EduHub կազմակերպությունների կողմից, ֆինանսավորված՝ Գերմանիայի արտ գործ նախարարության կողմից որպես “Expanding Cooperation with Civil Society in the Eastern Partnership Countries and Russia” program (#CivilSocietyCooperation) ծրագրի մաս։ Հիմնական ծրագրային գործողությունները տեղի ունեցան Publix House of the Schöpflin Foundation-ում։

Ծրագիրը բաղկացած է երեք մոդուլներից, որոնք անցկացվում են տարբեր երկրներում և քաղաքներում՝ տեղական լրագրության առանցքային դերը վերցնելով որպես ելակետ՝ նրա ապագա կենսունակությունը համակարգված կերպով ուսումնասիրելու համար՝ հենվելով ինչպես ժամանակակից տեսական, այնպես էլ գործնական գիտելիքների վրա: Նպատակն է կատարելագործել լրագրողական հմտություններն ու տեխնիկան և խթանել փոխանակումը 15 երիտասարդ ներկայացուցչի միջև՝ հաստատված լրատվամիջոցներից, նոր լրագրողական պորտալներից, անհատ ձեռներեցներից և գիտնականներից: Միաժամանակ, մասնակիցներին խրախուսվում է խորհրդածել իրենց սեփական աշխատանքի շուրջ: Այս նախաձեռնությունը ստեղծում է տարածք խորհրդատվության, իրարից ուսուցման և կոնկրետ նախագծային աշխատանքի համար՝ մշակելու ռազմավարություններ թվայնացման բերած հիմնարար փոփոխություններն օգտագործելու համար լրագրության ֆինանսավորման, արտադրության և շուկայավարման ոլորտներում՝ աջակցելու տարածաշրջանային որակյալ լրագրությանը:

Ծրագրի նշանակալի պահերից էին Մաթիաս Բեներթի (Medieninsider-ի համահիմնադիր),  հետ հանդիպում-քննարկումը, հետազոտական այցը Բունդեսթագ  (Գերմանիայի պառլամենտ) և մի քանի հետազաոտական այցեր հեղինակավոր մեդիա ընկերություններ ինչպիսիք են Axel springer և Publix House-ում գտնվող կազմակերպություններ

EngageCaucasus-ը նախագիծը եզակի հնարավորություն է ընձեռում Հայաստանում և Վրաստանում բնակվող երիտասարդ  հասարակական, քաղաքական և սոցիալական ակտիվիստներին, զարգացնելու իրենց առաջնորդական, ռազմավարական և հաղորդակցական հմտությունները: Երկու երկրներում կայանալիք 3 նախագծերի շնորհիվ ,միջազգային այս ծրագրի մասնակիցները ուսումնասիրում և կիրառում են նորարարական գաղափարներ և տեխնոլոգիաներ՝ քաղաքական և սոցիալական խնդիրները վեր հանելու, հասրակությանը այս պրոցեսներում ներգրավելու  և շոշափելի ազդեցություն ստեղծելու համար: Ծրագրից առաջացած գաղափարներն կդրվեն ակտիվ շրջանառության մեջ ակտիվացնելով քաղաքական և հասարակական խմորումները։
Հավելենք, որ ծրագիրը կազմակերպվել և մշակվել է ԷդուՀաբ երիտասարդական կազմակերպության և Մեդիայի և Հաղորդկացության քաղաքականության  ինստիտուտի հետ համատեղ , ֆինանասավորվել՝ Գերմանիայի արտաքին գործերի նախարարության կողմից:

LocalMediaMatters նախագիծը ներառում է ինտերակտիվ դասընթացներ, ուսումնական այցեր և նոր կապերի ձեռքբերում երեք քաղաքներում և երկու երկրներում՝ Գերմանիա և Հայաստան: Ծրագիրը կենտրոնացած է տեղական ժուռնալիզմի և մեդիայի հիմնական  գործիքակազմի, ռազմավարության  և լավագույն փորձի վրա՝ Հայաստանում այդ ոլորտներն  զարգացնելու միտումով: Բարձր ինտերակտիվություն ունեցող այս փորձառության ընթացքում մեդիայի գիտակները, սկսնակ ու կայացած լրագրողները տարաբնույթ միջազգային քննարկումների,բանավեճերի միջոցով փոխանակում են միջազգային փորձն ու մշակում հստակ ռազմավարություն տեղական և տարածաշրջանային լրագրությունը ամրապնդելու համար: Ավելին, ծրագիրը նախատեսում է ուղևորություն դեպի Բեռլին, որտեղ մասնակիցները կայցելեն տարբեր հայտնի  լրատվամիջոցների, որպեսզի ձեռբերված գիտելիքը կիրառեն հայկական մեդիա կոնտեքստում: Հավելենք, որ ծրագիրը կազմակերպվել և մշակվել է ԷդուՀաբ երիտասարդական կազմակերպության և Մեդիայի և Հաղորդկացության քաղաքականության  ինստիտուտի հետ համատեղ , ֆինանասավորվել՝ Գերմանիայի արտաքին գործերի նախարարության կողմից:

«Էրազմուս Շրջանավարտները Առաջնորդում են Ապագայի Փոփոխությունները» խորագրով ծրագիրը տեղի ունեցավ Բրյուսովի անվան պետական համալսարանում 2023 թվականի Հոկտեմբերի 15-ից 18-ը։ Միջոցառմանը ներկա գտնվեցին ավելի քան 100 երիտասարդներ։ Ծրագրի գլխավոր նպատակներն էին ծանոթացնել շահառուներին Erasmus+ Students Alumni Alliance (ESAA) միջազգային ցանցը, դրա նպատակներն ու ընձեռած երիտասարդական հնարավորությունները։ Ծրագրի մեկ այլ նպատակն էր տեղացի երիտասարդներին և ուսանողներին ներկայացնել Erasmus+ ծրագիրը, որը բազմաթիվ հնարավորություններ է տալիս կրթության ոլորտում։ Բացի վերը նշվածներից, ծրագիրը  նաև ծանոթությունների հարթակ դարձավ երիտասարդների և միջազգային տարբեր կառույցների ներկայացուցիչների միջև (garagErasmus, Erasmus Mundus Association (EMA), OCEANS, and Erasmus Student Network (ESN))

CLMV-digital-connectivity-ն կրթական յուրօրինակ նախագիծ է, որը բաղկացած է տարատեսակ դասընթացներից՝ մեդիա կրթության և թվային տրանսֆորմացիայի մասին, նաև միջմշակութային միջոցառումներից։

Այս ծրագրի հիմնական նպատակն է աջակցել CLMV-ի տարածաշրջանի 4 երկրների (Կամբոջիա, Լաոս, Մյանմար և Վիետնամ) նաև հարակից երկրների երիտասարդներին  ձեռք բերել թվային հմտություններ և գիտելիքներ, հասկանալ թե ինչպես կարելի է թվայնացումը (Digital Transformation) կիրառել և ադապտացնել երիտասարդների կրթության և մասնագիտական աճի մեջ, ինչպես նաև կազմակերպել միջմշակութային փոխանակության ծրագիր այդպիսով հզորացնել CLMV-ի տարածաշրջանի երկրների կապը Հայաստանի և Եվրոմիության երկրների հետ։

Ծրագրի այլ նպատակներից է ծանոթացնել տեղի երիտասարդների “Erasmus+” ծրագրին, ինչպես նաև ընդլայնել մեր կազմակերպության կապերը այդ տարածաշրջանում։ Ծրագրի երկրորդ փուլը կիրականացվի օնլայն։

Այս նախագիծը բաղկացած է վեբինարների շարքից, որոնք սովորեցնում են մասնակիցներին թե ինչպես արյդունավետորեն օգտագործել ընտրված թվային  գործիքները ճգնաժամային իրավիճակներում  (Հհամաճարակ, ռազմական գործողություններ, բնական աղետներ) ։

Նախագիծն իրականացվել է մեր նախորդ նախագծերից մեկի ուսանող-առաջնորդների ակտիվ ներգրավմամբ։ Այս ծրագրի նպատակն է տալ սպեցիֆիկ գիտելիքներ և հմտություններ այն մարդկանց,  ովքեր նման հմտությունների պակաս ունեն և/կամ ցանկություն ունեն իմանալ ավելին այս թեմայի մասին։ Նախագիծը չունի տարիքային կամ սեռային սահմանափակում։ Այն ամբողջովին անվճար է։

“Students4Studends”-ը նորարարական կրթական նախագիծ է, որը հնարավորություն է տալիս մի խումբ երիտասարդ ուսանողների (ուսանող-առաջնորդներ) ձեռք բերելու թվային փոխակերպման, մեդիայի եւ դասընթացավարի գիտելիքներ/հմտություններ այնուհետև,նույն ծրագրի շրջանակներում նրանք հնարավորություն կունենան առաջին անգամ հանդես գալու որպես դասընթացավար եւ ստացած հմտությունները, փորձառությունն ու ոգեշնչումը փոխանցելու այլ ուսանողների, ուշադրության կենտրոնում պահելով հատկապես նրանց, ովքեր ունեն սոցիալական խնդիրներ, պատերազմից տուժված են կամ ապրում են հեռու ու մեկուսացված գյուղերում։ Ծրագիրը առնչվում է երեք խնդրի հետ ՝ գործազրկություն, թվային փոխակերպում և երիտասարդական ակտիվություն։ Նախագիծը ունի երկու կենտրոնական փուլեր՝ օֆֆլայն և օնլայն։ Ընդհանուր առմամաբ ծրագիրն ունեցավ ավելի քան 50 մասնակից , որոնցից 4-ը ուսանող առաջնորնդերն էին, ովքեր ծրագրի ավարտից հետո դարձան ծրագրի գաղափարախոսությունն ու նպատակները տարածողներ և կազմակերպեցին այլ կրթական միջոցառումներ։ Գլխավոր նպատակներն էին.

·     Վերապատրաստել երիտասարդ առաջնորդներին (ուսանողներ) , որպեսզի նրանք դառնան դասընթացավար թվային հմտություններ, թվային փոխակերպում և նոր մեդիա թեմաների համար

·     Վերապատրաստել երիտասարդ առաջնորդներին (ուսանողներ) , որպեսզի նրանք դառնան “Erasmus+” -ի բանախոսներ (Կենտրոնանալով Erasmus+ 2021-2027 ծրագրի վրա)

·     Թողարկել պրոֆեսիոնալ աշխատարան-կայք, որը լինելու Students4Students ծրագրի երկրորդ փուլի հիմնական հարթակը

·     Փոխանցել նոր ձեռք բերված թվային հմտությունները այլ ուսանողների ովքեր ունեն պակաս հնարավորություններ

·     Ստացված գիտելիքներն ու հմտություններն օգտագործելով զարգացնել և տարածել գաղափարներ՝ կապված թվային փոխակերպման և թվայնացման հետ

·     Բարձրաձնել էկոգիտակցության մակարդակը